Geerida Guuleed iyo gurraca dhaqanka!!

 

Guulleed waa 21 jir agoon ah ku nool toola yar oo ku taal soomaliya, waxa uu la noolyahay hooyadii uu nin kale qabo, qoyskoodu waxa ay ka koobanyihiin isaga iyo wiil iyo gabar ku hooya ah, adeerka hooya qaba iyo hooyadiis. Nolosha reerku waxa ay ku tiirsantahay xoola dhaqasho, Guuleed waa curadka reerka adeerka hooyadii qaba ayuu aabe ugu yeeraa maadaba  isagu soo koriyay una buuxiyay booski aabihi, inkasta uu agoonyahay hadana ma dareemo in uu aaba la'aan yahay oo waa xooga kaliya oo ay reerku heystaan waana sababta adeerku u dhaqaaleeyo Guuleed.

Guulleed ma helin fursad wax barasho sababto ah tuuladu malaha Iskuul iyo nolol wax barasho dadku ku nool dhamaan waa xoolo dhaqato waxa ayna la harjadayaan nolol maalmeedkooda, shaqada barbaarta tuuladu qabato waa xoola ilaalin, ceel geyn, iyo waraabin, dhalinta qaar ayaa iyaguna qabta howla ganacsi sida safrinta caanaha oo loo iibgeeyo magaalo ku dhaw kadibna raashin reeraha ugu soo badala.

Nolosha tuuladu waa mid iska basiid ah kamana duwana toolooyinka kale ee soomaaliya ma jiraan wax ka baxsan wax soosaarka dadka, mustaqbalka ay dhalanyaradu wada higsadaana waa kaliya in ay guursadaan oo ay reera dhistaan kadib awlaad eebe ku irzaaqo, Guulleedna kama fakar duwana barbaarta tuulada ku nool oo wax kaloo ka duwan arinkaas oo lagu fakaraaba kama jiraan tuulada uu kusoo hana qaaday.
Baydan waa gabar Eebe joog iyo jamaalba u dhameystiray aadna u edeb iyo anshax wanaagsan kaligeed ayaa eebe ku irzaaqay hooyo Caynabo iyo Aabe Warfaa, oo caruur oo dhan iyada kaliya ka haysta, waa madi hadana gabar ah waalidkeeduna ay aad u jecelyihiin intaasna ay i sha ku hayaan kuna kortay nolol koolkoolin iyo ka dhowrid wax walba oo dhib ah, waana 16 jir soo hana qaaday gayaankeeda oo dhamina wada baadi goobayaan balse aabe warfaa ayaa intaa gaarka ilaalaa ka haya oo aan marnaba ogoleyn in inantiiso ay ku dhacado dabinada kurayada qaar.
Ka sokoow ilaalada Aaba Warfaa, Beydan ayaaba ah gabar aad u dhiifoon aadna u taxadar badan isna og, marka ay joogta goobaha caweyska ee barbaartu u soo ciyaar gudaan uma muuqato qof dhacdhac badan oo si fudud lagu haweysan karo inta badan waxay sheeka wadaag latahay oo ay saaxibo isku dhaw yihiin Cawo oo ah gabar iyaduna caan ku ah tumis cayaaraha waxayna inta badan goobta soo galaan marka Guulleed iyo saaxiibki Guhaad dalaq soo dhanaa, waa afar cayaartooy oo tuulada caan ka ah cidina aysan u babac dhigi karin inta ay goobta ku jiraana, orka sacabka iyo jiibtu marna hoos uma dhacaan balse ma jiro xiriir kale oo ka dhexeeya hablahan labada ah iyo labada wiil oo ciyaartu markay dhamaanto laba kastaaba aayar ayey dhanka hoygooda u qabtaan.

Guulleed waa nin bashaah ah aadna u furfuran qadarin iyo ixtiraam badan dhalinyarada tuuladuna ey wada jecelyihiin dhan kale guulleed waa ciyaartooy ku caan baxay tumista ciyaaraha hidaha iyo dhaqanka habeenkuu goobaha caweyska ka maqanyahay wiilal iyo gabdhaba si wada jir ah ayaa caajis looga dareemaa cayaarta, mana lagu daaha goobta caweyska ee fiidkiiba waa lagu kala dareeraa balse habeenka uu joogo guulleed waaga ayaa loogu bariyaa sida hadba ciyaaro kala jaad ah loo dheelayo, inta badan ciyaarta dhaantada ee uu aad ugu dheereeyo waxaa la jiibisa aadna u jecelyahay dadanka codkeeda Beydan oo ah gabar ay jaaryihiin aadna ay isugu baxdo dhanka cayaarta iyo is xifaaleynta......

Lasoco qeybta xigta. 

W/Q Bashir Suley