GAALEYSIINTU MA MASHRUUC MUSHAAR LAGU CUNAA?!

                                                                                    

Diinta Ismaalku waa diin nabad galyo iyo naxariis, waa diin cafis iyo saamaxaad, waa diin towbad iyo Alla bari, waa diin ilaalisa sharafka iyo cirdiga Bini’aadamka, waxa ay reebtay xad-gudubka iyo been abuurka, lkn nasiib daro maanta dad badan ayaan laga dhaadhcin karin arintaa, Diinta islaamkana u heysta Diin cadawtooyo iyo dil iyo is gaaleysiin ku dhisay waxaana u sabab ah Culimada qaar oo halkaa gaarsiiyay, kana been sheegay ku dahqankeeda.

Diinta Islaamku waxyaaba ay sida weyn u ilaasiay waxaa ka mid ah Nafta Muslimiinta, iyo sharafkooda sidoo kale diintu waxa ay reebtay in muslimiinta dhexdoodu ay dhiigooda daadiyaan ama is gaaleysiinعن ابن عمر رَضِيَ اللَّهُ عَنْهُما قال، قال رَسُول اللَّهِ : (إذا قال الرجل لأخيه يا كافر، فقد باء بها أحدهما، فإن كان كما قال وإلا رجعت عليه) مُتَّفَقٌ عَلَيْهِ.

Qofki walaalkis Gaal ku tilmaama hadusan aheyn isaga ayaa gaal ah, arinkaasu ma sahlana waana adagtahay, balse Culimada Soomalidu waa ay iska sahashadeen oo inta badan wey is gaaleysiiyeen.

Marka aad si hoose u eegto xaqiiqda iyo halka ay salka ku heyso mas’aladan is gaaleysiinta Culimada dhexdeeda ah, waxa aad ogaaneysaa in ay hal xeyndaab ku wareegeyso, kaasi oo ah fulinta AFKAAR hal qolo leedahay oo aan dhanna looga gudbi akrin, lalana ogaleyn qof maskaxdiisu si xor ah u fakarto, fahan dhab ahna ka qaata Diinta Islaamka.

Inta badan qolyaha dadka raacraaca oo raadraadiya afkaaradooha, marka aad u fiirsato waxaad ogaaneysaa in ay ku raad joogaan oo ay baadi goob ugu jiraan Wadaad ama shaqsi wax qora oo soo kordhiyay fahan ka waasacsan kan iyagu ay dadka u sheegaan, waxaadna moodaa in ay doonayaan dadka in ay afduub ku heystaa, oo kaliya ay afkaar lacag lagu soo siiyay faafiyaan.

Marka aan leeyahay Afkaar lacag lagu soo siiyay, waxa aan kala jeeda sida aad wada ogtihiin Culimada Soomaliyeed in badan oo kamid ah ayaa Mushaar ka qaata Hay’ado Carbeed oo lagu sheego in ay Dacmiyaan ama maalgaliyaan Faafinta Diinta Islaamka, Hay’adahaas wadaad kasta oo ay lacag siyaan waxa uu ku qasbanyahay in uu faafiyo Afkaartooda, mana jirto awood uu kaga hor imaan karo ileen horaa loo yidhi “Af wax cunay xishoo”.

Hay’adahaasi inta badan waxa ay Maal galiyaan oo ka qeyb qaatan faafinta Xagjirnimada iyo adadeyga sidoo kale waxa ay abuuraan qolya jihad doona, waxa ayna kacdoomiyaan dhalinyarada Muslimiinta meel walba oo ay Dunida ka joogaan iyaga oo u soo maraya Wadaado ay lacag siiyeen, kii ka horyimadana gaaleysiiya, ana oo og in Diinta islaamku tahay Diin naxariis iyo nabad galyo, walibana ah Diin dhaxdhaxaada.

Tira yar oo Wadada ah ama dad wax bartay ah oo fahmay dabinka loo qoolayo Soomaalida iyo dhamaan Muslimiinta, dadaal dheeri ahna ku bixiyay fahanka Diinta, ayaa lagu dhaganyahay hada oo la gaaleysiinayaa si loo hor istaago oo aysan dadka u tusin XAQA iyo haka uu ka xigo.

Wax badan oo Soomalida Diin looga dhigay iyo xukuno badan oo ay qolyaha Carabta ku xirani ay fuliyaan ayaa la ogaaday in aysan Diinteena sal ku laheyn, taas ayaa iyagana dhibtay oo ay dadka u gaaleysiinayaan.

Waxa ay inta badan dadka ku Af gobaadsanadaan qolayha wax gaaleysiiya hebel waa mulxid iyo murtad Sunada NABIGANA SCWS ma ogala, kuwa sidaas la leyahay ayaad arkeysa iyaga oo had iyo jeer aqrinaya oo sharaxayada AXAADIITHTA Nabigeena SCWS .

Anigu ka Bashir ahaan ma diidane in ay jir karaan dad Mulxidin ah oo diinta ka lexday balse su’asha aan qabo ayaa ah qof kasta o aad mas’alo isaga hor imaataan ama fahanka iyo macnaha aad ka qadatay nusuusta mid ka duwan ka qaatay ma Mulxidbaa?.

Waa muhiim in la kala saaro Diinta Islaamka iyo Afkaarta culimada Muslimiinta, hadii aan wadaad ka Afkaar duwanaaday macnadeedu ma ahan in aanan Muslim aheyn, Asalku waa Diinka ee mahan Afkaarta Culimada.

Xagee laga keenay gaaleysiinta degdegta ah soo Cali Inbu Abii Dhaalib ma aheyn Saxaabigi Khawaarijta wax laga weydiyay, ee dhahay Gaala mahan oo kufri ayey ka soo careen, Munaafaqiin ma ahan oo in badan ayey Allah Xusaan, marki lagu celiyay oo la yiri oo hadaba maxay yihiin sowtuu ku jawaabay waa qolo nagu xadgudbay. عن طارق بن شهاب أنه قال: كنت عند علي فسئل عن أهل النهر أمشركون هم؟. قال: من الشرك فروا. قيل: فمنافقون هم؟. قال: إن المنافقين لا يذكرون الله إلا قليلا. قيل له: فما هم؟. قال: قوم بغوا علينا.

Hadiiba Cali Bin Abii Dhaalib Allaha Karaameye ku dhiiran wayay Gaaleysiita Khararijti uu ladirirayay, xageey Culimadaan ka keeneen dadkan ay safmarka u gaaleysiinayaa waliba dadkii oo leh war yaan nala gaaleysiin ee aan Kitaabka Alle u wada laabano?.

Isku soo wada duube Gaaleysiintu waa Mashruuc mushaar lagu rabo, kuwa wax galeysa waa qandaraasle yaal mushaar ku qaata howshan, kuwa la gaaleysiyayna ha ajar xisaabsadeen hana dulqaateen Mushaarki ayaa galay gaaleysiintoodee.

W/Q Bashir Ahmed Suley