ISMA HURTOOY HA IS HALEYN

                                      

Aarar

“Anoo rabin dhaawacaada inaan dhinto ha u hiloobin”

Inkastoo Dadka Soomalidu ay wada dhasheen iskuna Dhaqan iyo Diina yihiin Af qurana ay wadaagaan hadana waxa inta badan laga dareemaa is naceyb iyo caadifad iyo xumaan qabyaaladeed xiliyada colaadaha ama ay wax ka dahcaan Gudaha Soomaliya taasi oo saameyn weyn ku yeelata isku xirnaantooda siina la fogaysa Bulshada-weynta Soomaliyeed.

Waa muhiim in dhulka iyo Dadka Soomalida ahiba ay iskugu kaa mid noqdaan oo aadan ka jeclaan una kala eexan mar hadiiba aad taahy Muwaadin Soomaliyeed.

Gunta Qormada.

Kadib Duulaanki gardaha ahaa oo ay Maleyshiyaadka Nabad diidku ku qaadeen Deegaano ka tirsan Gobalka Nugaal ayaa waxaa baraha Bulshada ay kuwada xiriirto ku soo kordhay qoraalo ka fog Wadaniyada iyo Soomalinimada oo ay isla dhex marayeen dad aan dhabti anigu u arkay in gumeysi maskaxeed ay ugu jira cudurka dilaaga ah ee Qabyaalada.

Sax uma arko iyo wax lagu farxi karo duulaanka garada ah ay Maleysiyaadka UGUS ku qaaday Gobalka Nugaal, qofka Soomaliga ah ee dhulka Soomalida melna xasilooni la rabo meel dabka ka huraya ku farxayana anigu koley shaki weyn ayaan ka qabaa Muwaadinnimadiisa iyo Soomalinimadisa.

Maleyshiyaadkan nabad diidka ah soomalida oo dhan ayaa cadaw uwada ah, Koofur iyo Barina kalama jeclana, qof kasta oo aan tooda aqbalina dil ayuu ugu xukumanyahay, waxa ayna fursad u arkaan kala qeybsanaanta iyo Qabyaalada ku kala dhex jirta Bulshada Soomaliyeed.

Waa ayaan daro weyn in ay kuu sinaadan ama aad kala garan weyso qiima iyo farqiga u kala dhaxeya Askariga Soomaliga ah ee qarinimada difaacaya Gobalkasta haka soo jeedee iyo cadawga diidan jirintaan Soomalinimada.

                                  

Ma jiro farqi gooni ah ee u dhexeeya kuwa ku faraxsan Dagaalka ka socda Gobalka Nugaal iyo kuwa weeraray sida aan anigu qabo.

Dhankale waxaan qalad iyo gaf wey u arkaa in Degma Soomaliyeed meel walba oo ay kaga taal Soomaliya lala jeclaado colaad ama xasilooni daro, kuwa isku jajawaabaya oo Deeganada Soomaliyeed kala fadilayana waxaan jeclaan lahaa in ay ka waantoobaan qiimada darada ay Qabyaaladu leedahay.

Gabagabo

Ugu dambeyn waxaan Guul iyo Gobanimo u rajeynayaa Ciidamada Maamulka Puntlan ee jilibka u aastay guntana dhiisha isaga dhigay si ay u hor istaagaan Cadawga umada Soomaaliyeed ee UGUS, Madaxdooda iyo iyagaba waxaan leeyahay Guuleysta oo Gobanimo hantiya.

F.G

Soomaliyeey waan wada dhalanay oo marna kala dhamaanmeyno sina kuma kala maarmi meynee yaanan is u xumeyn oo aanaan is xag xagan, kuna baraaruga oraahdan caanka ah oo idin leh “Isma hurtooy ha is haleyn”

W/Q Bashir Ahmed Suley