Bashir Ahmed Suley “Anigu waan ka fiyoobahay Cudurkan dilaaga ah”.

                                   

Waxa laga yaaba in aad cinwaanka layaabto ama aad ka naxdo walibana aad is tiaraado muxuu Bashir kala jeedaan anigu waan fiyoobahay, waxba yeysan fajac kula noqon oo ha layaabin oraahda waa dhab anigu ma xanuunsani oo waan fiyoobahay.

Waxaa jira xanuun aad u daran soona daashaday Bulshada iyo bahda aan ka dhashay ee Soomali-weyn, waa xanuun dilaa ah oo in kabdan Malaayiin Soomali ah noloshoodi galaaftay Malaayiin kale ay wali la il daranyihiin lana daala dahcayaan, waa xanuun aan daawa la heyn si fududna la isku qaad siin karo halistiisuna ay darantahay, waa xuuna burburiyay Qaranimadii Soomaliyeed iyo gabi ahaan qiimihii dadnimo ee aan aduunka ku laheyn, waa xanuunka naga takooray bulshooyin caalamkan ku dhaqan, waa xanuuka diifta iyo Tahriibka iyo qaxa iyo dalanbaabiga iyo waliba beylahda ka dhigay Dhalaankeenkii iyo gabi ahaan ciroolaheeniiba, waa xanuun aan la dhayalsankrin mana jiro wali dhaqaatiir ku guuleysatay dawadiisa, si halis badan ayuu ku faafaa dawo iyo dabar gooyna maleh ka hortag mooyee.

Soomalida maanta jirtaa 99% xanuunkan ayey la il-daranyihiin waa wada bukaan aad uwada taag daran, dhiiga iyo la faha ayuu ka jaqay talaabo fiyow oo caafimaad qabta horay uma qaadi akraan, waxaa daashaday walwal iyo is faquuq xanuunkani uu ku reebay.

Hadaba waa su’aale mataqaanaan xanuunkan halista ah oo dhibka intaa la eg nagu haya?, haka fakarin hana ka walwalin xanuun kalana ha moodin ee cudurka Dilaaga ah (QABYAALADA).

Soomalidu Qabyaalad ayaa dilootay iyada ayey caabudaan kana jecelyihiin kitaabkii Samaawiga ahaa ee Allah u soo dajiyay, dhabti kuma xukun tamaan iskuna dhaqaan, waxa ay ku xeer jajabsadaan Qabyaaladeysi, iyada ayey isku dilaan iskuna soo dahweysan dan walbana ku cabiraan aragtidoodana ah.

Dhabti mar labaad ayaan rabaa in aan Bulshada xanuunsan ee aan ka dhashay aan u sheego lana wadaago in xanuunkan laga dawoobi karo hadii si niyada loo go’aasado, anigu maxanuunsanani marka aan idin leyahay waxa aan ula jeeda ogoow waligeey qof Qabyaalad kuma garabsiin qofna Qabyaalad kuma soo dhaweysan mana jiro qof aan Qabyaalad darted ku fogeeyay ama aan ugu coloobay, agteyda Soomalidu waa ka hal mid, waxa ay iiga wada dhiganyihiin shan wiil oo walaalaha iskuna Aaabe iyo Hooya ah, Diin iyo dhaqan iyo dheef wadaag ah, islana wada dhashay oo hal Cadawna leh.

Cadawga ayaa ku guuleysay in u kala qeybiyo kalana fogeeyo is kuna diro Cudurkan dilaaga ahna ku dhex faayiyay.

Ugu dambeytii Anigu waan fiyoobahay oo maxa xanuunsani ee imasa walaal oo fiyoow ayaan heli karaa si inta xanuunsan aan u daaweyno haraaga Bulshadeenana aan u samatabixino.

Fadlan farta tag hadii aad fiyowday cod dherna ku dheh “Anigu waan ka fiyoobahay Cudurkaan dilaaga ah”.

W/Q Bashir Ahmed Suley