3dii December 2009kii Khamiistii Murugada

                                   

Maanta Taariikhdu waa 3December 20015 maalin Khamiis ah waxa ay i soo xasuusiyay maalin kale oo Khamiis ah isla 3December Sanadkii 2009 oo ahayd maalin naxdin iyo murugo badan, maalin aan xasuusteyda iyo tan shacabka Soomaaliyeedba ka go’in maalin hooyooyin badan ay gablameen caruur badanina ay agoontoomeen dumar banina asaay qaadeen, waa maalin waxii dhacay lama filaan ahaayeen, jawiga waxa uu ahaa mid farxadeed laakiin mar qura ayey goobtu isku badashay meel dhiigu sida daadki oo kale u rogmanayo, waa maalintii la qarxiyay HOTEL SHAAMOW .

Qaraxan murugada iyo mahadhada nagu reerbay ee ka dhcay Hotel Shaamow oo ay fuliyeen kooxda manaxayaasha ah ee Al-shabaab ayaa waxaa ku nafwayaay dad aad u badan oo ay ka mid ahaayeen Arday, Macalimiin, Saxafiyiin iyo Masuuliyiin ka tirsanaa Dowlada Saaomaliya oo aad u qiima badnaa.

Xubnaha dawlada KMG aheyd ee qaraxaasi ku dhintey waxaa ka mid ahaa

1-  Qamar Aadan Cali oo aheyd wasiirkii Caafimaadka,

2-  Prof.Ibraahim Xasan Cadow wasiirkii Tacliinta sare

3-  Axmed C/laahi Waayeel wasiirkii waxbarashada

4-  Saleebaan Colaad Rooble, Wasiirki Dhalinyarada iyo Sportiga. 

Suxufiyiin ku geeriyooday qaraxa waxaa ka mid ahaayeen:

1-  Maxamed Amiin Aadan Cabdulle oo u shaqeynayay idaacadda Shabeelle

2-  Xasan Subeyn Xaaji Xasan oo isaguna ahaa sawirqaadihii telefishinka Al-Carabiya, waxaana  jireen suxufiyiin kale oo ku dhaawacmay.

Sidoo kale magacyada dadka ka geeriyooday Jaamacadda Banaadir oo ay soo bandhigtay labo ka mid ah ay waalidiin ahaayeen ayaa waxa ay kala ahaayeen.

1- Prof. Maxamed Aadan Warsame (Shahiid) Gudoomiyihii Hay’ada Benaadir ee Tacliinta Sare iyo Caafimaadka.

2- Xuseen Macalin Xasan

3- Max’ed C/qadir Max’ed

4- Axmed Xasan Xuseen

5- Muxyadin Aweys Axmed

6- Maxamed C/lahi Cali (Dayax)

7- Jamaal Luqmaan Ismaciil

8- Aadan Mukhtaar Xasan (Korneele)

9- Abubakar Xuseen Faarax (Qoorey)

10- Abubakar Ibraahim Xasan

  

Allaha u wada naxariistee isku geeynt tirade la xaqiiyay ee ku geeriyootay Qaraxaas ayaa ah 16 ruux wallow ay jiraan dadka le oo shacaba iyo qaar kamid ah ardaydii oo dahwacyadi soo gaaray u geeriyooday oon tirada kore ku jirin.

Maanta oo ay qaraxaasi ka soo wareegtay 6 sano oo kaamil ah ayey weli  kooxihii falkaasi geystay Soomaliya qeyba kamid ah ka ariminayaan, mana jirto cid laxisaabtantay ama awood u leh la xisaabtankooda, waxa ayna wali ku howlanyihiin intaas iyo in kabadanba in ay laayaan.

Nasiib daro lix sano kadib Dolada soomaliya wali awood uma helin in Al-shabaab wadanka laga saaro ma ugu yaraan laga hortago weerarada ay dadka ku gumaadayaan, waxaana xusid mudan weerarkii ugu dambeeyay ee November 1dii ku qaadeen Hotel Saxafi iyagoona dad qiima badan ku laayeen.

W/Q Bashir Ahmed Suley