Diidmada Kenya ee Dacwada Bada waxa ay ka dhigantahay “Horay ucune gadaal kama cuno”

                                                              

             

Kenya ayaa si rasmi ah u diiday in muranka Bada ee soolamiya kala dhaxeya la horgeeyo Maxkamadda Caalamiga ah ee Cadaaladda (ICJ), iyada arainta ugu yeeray "waxba kama jiraan".

Githu Muigai Xeer illaaliyaha guud ee Dalka Kenya ayaa sheegay in dacwadda Soomaaliya ay horgeysay maxkamada caddaalada ay tahay mid sharci darro ah taas oo Soomaaliya ay ku dooneyso inay ku qaadato dhulbadeedka iyadoo aan mareyn nidaam sax ah. 

Xeer illaaliyuhu waxa uu sheegay inuu jiray Heshiis ka dhaxeeya labada Dal oo ah in arrinta qilaafka dhul badeedka lagu xaliyo wada xaajood oo aan maxkamad la horgeyn.

Wuxuu sheegay in haddii murankani la geeyo maxkamada ay noqoneyso in Soomaaliya ay si cad u jabisay heshiiskii ka dhaxeeyey Soomaaliya iyo Kenya.

Xeer illaaliya Kenya wuxuu sheegay iney haboontahay in labada dal ay iyagu ka wada hadlaan muranka ka dhaxeeya oo aysan gaarin heer maxkamad iyadoo loo marayo ayuu yiri sharciga caalamiga ah.

"Waxaa waajib ku ah labada Dowladadood in ay sameeyaan heshiis saaxiibtinimo leh oo ay ku xaliyaan Khilaafka, sida waafaqsan sharciga caalamiga ah iyo Heshiishki ay sixiideen 2009." Ayuu hadalkiisa raciyay Xeerlilaaliyaha Dalka Kenya.

Keyna ayaa shegtay  in Sanadkii 2009, ay Soomaaliya iska-afgarteen arinta, iyadoona loo gudbiyay Qaramada Midoobay sanadkii 2011.

Heshiiska oo dhaicanya badan taabanayay ayaa qeexayay in lakala xadeeyo bedka  xuduuda Bada ee laba Dal ee Kenya iyo Soomaliya, in kastoo ay baaqdeen wada hadalo dheeri ah oo ay aheyn in Qaramada Mdioobay ay dhaxdhaxadiso.

Sanadkii 2012, ayaa Soomaliya ku eedeysay Keyna in bada la isku heysto u ogalatay shirkada Total iyo Eni, in ay Baaritaan shidaan ka sameeyaan eedeyntaas oo ay Kenya diiday.

August 28keedii 2014 ayaa Dowlada Soomaaliya Maxkamadda Caalamiga ah ee Cadaaladda ugu gudbisay dacwad Kenya ka dhan ah.

Hdalka keyna ka soo yeeray ayaa waxa uu u muuqda in Dolwadii hore ee Soomaliya uu Madaxweynaha ka haa Shiik Shariif Shiikh Ahmed iyo Xukuumadi Cabdirashiid Cali sharmarke ay Kenya u loogeen Badaba Soomaliya mugdina galiyeen arinta Bada Soomaliya.

Sidoo kale Hadalka Dowlada Kenya ka soo yeeray ayaa laga dheehan karaa in ay heystaan sixiixya ay hore uga heleen Musuuliyiin ka tirsan Dowlada Soomaliya.

W/Q Bashir Ahmed Suley