Xorriyad doonka Somaliland iyo Xariga Xidigaha Geeska.

Waan ka xumahay Xariga Xigaha waxaana leeyahay "Hadii dhagta ruux la jaro daloolku wuu joogayaa"!!

                                                                          

Waxaa maalintii labaad kuxiran Magaalada Hargeysa 4ta fanaan ee kala ah Nimcaan Hilaac, Maxamed Axmed Bakaal Cirro, C/raxmaan Oday iyo Xamda Queen oo kawada tirsan Kooxda Xidigaha Geeska.

Xariga fanaantiina aya yimid kadib bandhig faneed ay maalinti ciida habeenkeedi  ku qabteen Magalaada Muqdisho.

Wasaarada Arimaha Gudaha Soomaliland ayaa sheegay in fanaaniintan loo xiray, barnaamijyo liddi ku ah madaxbanaanida Somaliland, oo ay Muqdisho kaga soo qayb galeen iyagoo ah shaqaale ah ka tirsan wasaaradda warfaafinta Somaliland.

Gudoomiyaha Kooxda xidiga Geeska Mr Xasan Dhuxul Laabsaalax ayaa maamulka Somaliland waxa uu ku eedeyay inay isku qaldeen Siyaasiyiinta iyo Fanaaniinta waxa uuna sheegay in qaar ka mid ah Fanaanintaan kooxdiisa loo xiray si sharci daro.

Xassan Dhuxul ayaa intaas ku daray in fanaantiinta Kooxda Xidigaha aysan hoos imaan cid gooni ah oo ay u Heesaan dhamaan inta afka Soomaaliga ku hadasha .

Sidoo kale Xassan Dhuxul waxa uu sheegay in Wasaarada Warfaafinta Soomaaliland aysan wax Mushaar ah aysan kaqaadan.

Maamulka Somaliland oo isku heysta inuu yahay Dal madaxbanaan kana go’ay Soomaaliya inteeda kale ayaa horay u mamnuucay in siyaasiyiinta deegaanadooda ka soojeeda ay tagaan Koofurta Soomaaliya ama ka mid noqday dowladda Soomaaliya, waxaana horay arainkaa loogu xiray siyaasiyiin ka soo jeeda Gobalada Waqooyi ee lamagaca baxay Somaliland, waxaase yaableh in shalay Fanaaniinta loo xiray qaab siyaasadeed.

 Fanku qabiil iyo Siyaasad toona shaqa kumalaha, meeshey doonaan  ha ka soo jeedaane Fanaantinta Afka Soomaliga ku heesta ma jirto Magaalo ama Degmo kaxiran ama mamnuuc ka ah.

Qaar kamid ah Bulshada ku dhaqan Gobalada waqooyi ee uu ka arimiyo Maamulka Soomaliland ayaa qaba in caburinta lagu haayo Bulshada qeybaheeda kala duwan aan lagu gaari karin Gooni iskutaag ama madaxbaani, waxa ay Maamulka Somaliland ku eedeyeen marin habaabinta dhalaanka iyo carubinta muwadiniinta aan dooneyn in Soomaliya lakala jaro eek u nool Deeganada Somaaliland.

“Hadii dhagta ruux la jaro
 daloolku wuu joogayaa
jaleelada geed ku yaal
midhaha laga jalamsadaa.

Jiriyo hada jooguhuba
aadmigu way is jiidhayaan
hadana laba jacayl dhexyaal

Sina uma kala jarmaan”.

Soomaaliduna sina uma ka jarmaan.

Maamulka lagacbaxay Soomaliland ayaa wax dhiba ua rag in Fanaaniinta Xidiguhu ay ka soo heestan ama ay tagaan Wadamada Itoobiya iyo Kenya, taas badalkeedna Fanaaniiti Muqdisha tagay xabsiga uwada taxaabay.

Waa Su’ale fanaan laxiro Madaxbanaani ma keeni karaa?!!

 

W/Q Bashir Ahmed Suley