Musuq maasuq Sababay Cadaalad daro iyo wada shaqeyn la’aan baahsan oo hareyay Garsoorka Dalka.

Xaashi Bulxan 

 Xaashi furre oo ah Sargaal ka tirsan xooga dalka ahaana Darawalkii Madaxweyne Maxamed siyaad Bare hadana ka tirsan Xafiiska Raisul-Warasaha Somaliya ayaa sheegamay in si aan sharciga wafaqsaneyn looga saaray guurigiisi caruurtiisana banaanka la dhigay.

Xaashi Furre ayaa sheegay in ay Guriga ku heystaan laba Gabdhood oo u sheegay in ay ka soo gateen guriga nin caraba.

Xaashi waxa uu sheegay in dacwadiisa u gudbiyay Maxkamada Sare ee Dalka loona ansixiyay lahaansha guriga, balse ay ciidama uu ku shegay in ay ka amarqaataan Duqa Magaalada Muqdisho iyo Gudoomiya Degmada C/Caziiz ay xoog uga saareen guriisa doonayaana in ay dhacaan.

Korneynl Xaashi waa waayeel ka tirsan Ciidanka Xoooga Dalka Soomaaliyeed isaga oo ooynaya ayuu ku hor Cataabay Kaamiradaha qaar ka mid ah Warbaahinta Soomaalida isagoo leh “Gurigaan mudo aad u dheer ku dhawaad 20 iyo Dhowrsano ayaan Daganaa maanta ayaa xoog la iiga saarayaa waxa aan ubaahanahay Cadaadalad.

Duniya Maxamed Faarax & Haweeyo Xirsi Faarax

Waa labada Gabdhood ee Xaashi Fure ku heysta Guriga waxa ayna saxaafada u sheegay in Guri ay iibsadeen oo ku yaal degmada C/casiis uu xoog kaga haysto nin sarkaal ah oo lagu magacaabo Xaashi Furre oo hada darawalka u ah R/wasaare Cumar C/rashiid.

Duniya Maxamed Faarax, waxay sheegtay in Gurigaan ay ka’iibsadeen nin la yiraahdo C/risaaq Xaaji Cali Faarax ayna haystaan dhamaan Dukumiintiyadii Guriga ay ku iibsadeen Xaashi Furana uu doonayo inuu xoog ku haysto Gurigooda asigoo adeegsanaya awooda Xafiiska R/wasaaraha.

Haweeyo Xersi (waa milkiilaha labaad) waxa ayaa tiri “meel walbo oo aan u dacwoonay iyo Maxkamad kasta oo kiiskeena aragtay ayaa noo xukmisay Gurigooda,Dugmintiyada Xaashi watana waa kuwa Been abuur ah, markii ay ciidamada Booliska damceen ineey guriga ka saaraan, Xaashi dagaal ayuu kala horymid, isagoo garab ka helaya xafiiska R/wasaare Cumar Cabdi Rashiid.

Haweeyo ayaa intaas ku dartay in Gudoomiyaha Maxkamada Sare Ilka Xafan u shaagay in uusan dooneynin in Dacwada hoos u eego arintana wax ka ogaado balse ay muhiimadiisu tahay inuu Jabiyo Amarka Mungaab ee ah in Xaashi Guriga laga saaro.

Hadaba marki aan dhageystay Doodaha laba dhinac ee Guriga isku haaya waxa ii soo baxday in khilaafkooda uu salka ku haayo arin siyaasadeed oo ka dhaxeyso Masuuliyiinta qaar, arintaas ayaana dhibka ugu weyn gaarsiisay dhibanayaasha oo xaq ulahaa in Cadaalada ku kala baxaan.

Dhank kale waxaa dooda dhibanayaasha iiga dhex Muuqata wada shaqeyn la’aan baahsan ee ka dhaxeysa Hay’adaha Garasoorka dhalka oo dhan .

Waxaa iska cad in Musuqmaasuqu iyo Cadaalad daradu ay ku baahday Maxkamadaha iyo Garsoorka dhexdooda oo aysan jirin Garsoor umada u dhexeeya.

W/Q Bashir Ahmed Suley