Warbaahinta ayaa ah Hub laba afla ah ( سلاح ذو حدينالاعلام
وسائل) oo loo isticmaali karo dhan walba wanaag iyo xumaanba, allow ay
haboontahay in loo isticmaalo sida wanaagsan.
Soomaliya malahan Dowlad si dhameystiran u
kaantaroosha dhaqdhaqaaqa warbaahinta iyo waxa ay daabacayaan.
Warbaahinta qaar ayaa caadeystay inay qoraan ama
baahiyaan qoraalo Bulshada u keeni karo dhibaato hurina kara Colaado sukeeye.
Waxaan aad uga xumaad wabixin lagu daabacay Websit
laga leeyahay Puntalan eelagu magacaabo Horseedmedia.
28-06-02015 maalinti shalay aheyd ayaa warbixin lagu daabacay Warbaahinta Horseedmedia waxaa cinwaan looga dhigay “ Dagaalkii Gaalkacyo 1991 iyo Shirka Cadaado maxay iska -shabbahaan?”
Warbixinta ayaa lagu sheegay “in ay in USC ay
Gaalkacyo muddo 12 saacadood gudahood ku dishey dad ka badan 500 oo qof, waxaa
ka mid ahaa dad birimageydo ah, caruur iyo haween, waxaa magalada banaanka
looga saarey muddo 12 saac gudsheed ah dadkii deganaa oo dhan!, waxaa la dhacay
hanti maal iyo moodba leh, waxaa la gubey guryihii, waxaa lagu xadgudbey
sharaftii gabdhaha Soomaaliyeed”.Qoraalkan ayaa u muuqda guubaabo iyo kicin
bulshadeed.
Horseedmedia.net
ayaa is barbardhigtay shirka ka socda cadaado oo ay Dadka deegaankaasi ku
sameysanayaan Maamul iyo Dagaalki 1991 ka dhacay Gaalkacyo, qorsha
Warbaahintaasi ayaan iila muuqda in ay Dadka Deeganka ka dhaadhiceynso hadii
Maamulkaasi dhismo in Dagaal markale lagu soo qaadi doono Gaalkacyo.
Warbaahinta Horseedmeida oo u durbaan tumeysa Colaad
iyo Dagaal dhexmara Dadka Soomaliyeed ee wadadagan Gobalka Mudug ayaa qormada
ku tiri “Rubuc qarni kadib, Dagaalkii
Gaalkacyo, iyo dhamaan shidadii Soomaali ay gelisey jamhaddii USC oo aan laga
heshiin wixii dhacay, markii qoriga iyo gumaca rasaasta lagu kala adkaan wayey
ee la yiri qof walbow iimaanso meesha rabbi kugu beeray, in maanta qalin lagu
doono iyo “ERGOOYINAA Ansixiyey Dhulkeenu waa ilaa Nugaal” la yiraahdo, ka
bayridda iyo ku tumashada Dastuurka Federaalku miraha ka dhashaa muxuu noqon
maxaa giraanta dib u ceshey?”
Kadib marki ay burburtay Xukuumadii Soomaliya Dalka
waxaa ka dahcay Dagaalo sokeeyo oo aad u qaraar oo gabi ahaan saameyay
Soomalida oo dhan, allow dadaal dheeer iyo dhib badan kadib ay Soomaliya yeelatay
Dowlad rajaduna ay aad u fiicantahay dadaal loogu jiro sidii loo soo celin
lahaa Qarinimadina Warbaahintu looga baahanyahay in ay qeyb ka qaadato soo
celinta rajada umada iyo sidii wixii dhcay looga gudbi lahaa Taarikhna looga
dhigan lahaa, ayey Warbaahinta Horseedmeida utafaxeydatay hurinta Colaadahi
laga soo gudbay iyo iska horkeedin Bulsha wada dagan Gobal Mudug.
Milkiilayaasha Qalabka warbaahinta ama Mareegyada
Warbaahineed ayaa Masuuliyadi kasaarantahay in ay ka warqabaan oo ay
kaantaroolaan waxa laga baahinayo ama lagu daabacayo Barahooda maadaaba ay iga
qaadayan Masuuliyada hhibka ay abuuraan.
Qoraalka ay baahisay Horsedmaida.net ayaa iila
muuqda mid qabyaaladeysan oo xambaarsan gocasha foolxun, waxa uuna abuuri karaa isku
dhac Beelo wadagan Deegaan qura.
Waxaa haboonaan laheyda in dadka leh Warbintaas ay
arintaan ka fiirsadaan kana digtoodaan in ay Durbaan coladeed bulsha ku dhex
tumaan waana nasiib daro maanta oo ay dhawdahay
Dowladnimadi Soomaliya in dib loolaabto.
W/Q Bashir Ahmed Suley
Comments
Post a Comment