Maamulka Ahlusunna iyo Dam-jadiid, "Ogaada Gari laba Nin kama wada qosliso"

                                                                            

Xaalku waa adkaa dadkuna waa ay walaacsanaayeen ruux walbana waxaa walwal ku hayay goorta qolo aan la aqoon ay dili doonto ama ay Al-shabaab si bareer ah u dilidoonaan iyaga oo diinta ka saaraya gaalnimana ku xukumaya.

Baahi badan iyo shaqa la’aan baahansan ayaa jirtay, qofkii leh aqoon uu ku shaqeysto kuma dhiiran Karin in uu la shaqeeyo Hay’adaha Sama falka ah sababta oo ah waxa jirtay cabsi ah in loo dilo lashaqeynta Hey’adaha.

Isku socodka Galgaduud iyo Caasimada Muqdisho ama ka dhexshaqeynta Gobalka Galgaduud iyo Xamar ma aheyn mid sahlan oo ay naftu ku dhiiran kartay, colaadaha ka jira guud ahaan soomaliya ayaan samaxeyn xiligaas.

Guud ahaan soomaliya gaar ahaan Galgaduud dhalinyaradu xor ma aheyn oo garabyada isdiidanaa ee dagaalamayay ayaa culeysyo badan ku ahayay iyada oo qoloba ku eedeyneysay in ay tan kale ka tirsanyihiin.

Degmada Guriceel ee Gobalka Galgaduud waxa ka talinayay Xiligaas Maleyshiyaadka A l-shabaab iyo qaar ka tirsan Haraadigii Qolyihi lagu magacaabi jiray Midowgi Maxaakiimta oo aan badneyn, inti Al-shabaab ay ku sugnaayeen Guriceel waxaa siyaabo kala duwan oo dilay ku dhawaad 11 Qofood oo ilaa iyo hada aan la aqoon sabab cad oo loo dilay.

Dadku xoriyad daro iyo cabsi farabadan ayey qabeen lagumana dhiiran Karin Al-shabaab oo dadka dhan Aashuun ku adin ayey ahaayeen.

Waxaa mar qura is badalay jawigii magalada Guriceel waxaa soo baxday qolo cusub waa culumadii la yaqaanay ee ahlusuna wal jamaacaa waxey ku caan ahaayeen barashada diinta islaamka  muujinta calaamadaha islaamka sida Dugsiyada Quraanka masaajidyada iyo muuqaalka diinta islaamka waxayna ahaayeen koox ka dhawrsan  dhamaan dhiilooyinkii colaadeed ee ka dhacay wadanka soomaaliyeed.

Marki ay arkeen dhibaatada iyo murugta colaada iyo dhibaatada shacabka lagu hayo ayey go’aansadeen in lama huraan tahay inay ka dhiidhiyaan  dhibaatada shacabka lagu hayo waxay ka hadleen goobo badan waxayna ka dagaal galeen goobo badan iyaga oo ciwaankoodu ahaa inay shacabka u hiilinayaan qaranimada soomaaliyana  soo celiyaan Ma jirto wax ujeedo gaar ah ah iyo cid ka danbaysaa Culimada, ee marki ay arkeen dhibaatada umada ayaa waxaa lama huraan noqotay inay qoriga qaataan oo ay wax ka qabtaan dhibaataada soo daashaty bulshada soomaaliyeed gaar ahaan Kuwa Galgaduud.

Xaqiiqdi Dagaalka Ahlusuna Waljamaaca ayaa ahaa gurmad shacab iyo gargaar umada gacmaha iyo lugaha si xaqdaraha ah looga gooynayay iyo xad gudub diinta  islaamka lagu hayay Iyo gefka laga gelayo umada muslinka ah ee gulufka inta la geliyay lagu xukumay dilal aan dhamaad laheyn.

Culimada Ahlusuna dagaal dheer iyo juhdi badan ka dib waxa ay si lama filaan ah u jabiyeen cadawgi umada Soomaliyeed Maleyshiyaadki Al-shabaab waxa ayna gabi ahaan ka xoreeyeen Magaaloyinka Dhuusa-mareeb Guri-ceel iyo Matabaan iyo dhamaan Deeganada ku xeeran oo dhan.

Al-shabaab waxa ay Ahlusuna kala Kulmeen Jab aysan kala kulmin Dowlada Soomaliya waxa ay ladagaalanka Ahlusuna ku waayeen Saraakiil badan oo Muhiim u ahaa.

Deegaanada Galgaduud waxa ay noqdeen kuwa kacaagan Qarxyo iyo Dilalka Qorsheysnaa iyo Amaradi laqafsanaa ee Kooxda Al-shabaab. waxayna noqdeen meel nabad galya uu ka heli karo ruux kasta oo ay eryanayan Maleyshiyaadka Al-shabaab, anigu ka Bashir Ahaan waxan soo joogay muda sided bilooda waxaana ku tilaami karaa xiligaas in ay Galgaduud aheyd Meesha ugu amaaanka iyo Xoriyada Badan Soomaliya.

Mudo  Sideed sanaa ayaa Maamulka ahlusuna waxa uu si habsami socod wanaagsan u Maamuliyay Deeegaanadi ay ka xoreeyeen Maleyshiyaad Al-shabaab.

Kooxda Dam-jadiid ee heysa hogaanka iyo talada Dalka Soomaliya ayaa horaantii sanadki tagay waxa ay wakiillo u so dirsatay Gobalka Galgaduud si ay u kala furfurto Maamulka Ahlusuna ee ka ariminayay Deegaano katirsan Gobalka Galgaduud.

“Xassan Shiikh Madaxweynaha Soomaliya waxa uu doonayaa waa in Damjadiid uu ku beero gobolka Galgaduud, lakin Ahlusuna waxaa ka go’an in meelaha ay joogto oo ee ay ka taliso ay adkeyso, meelaha kamaqana in ay si nabada ku soo ceshato” sidaa waxa igu u jiri Masuul ka tirsan Ahlusuna oo aan la kulmay.

Kooxda Dam-jadiid ayaa doonaya in Gobalka galgaduud ka muuqdaan oo door muhiim ah ay ku yeeshaan Maamul u sameynta labada gobal si ay Dowladnimada Soomaliya ugu guuleystaa sanadka 2016ka xili aysan waxba u ogoleyn Maamulka Ahlusuna oo ka mid ahaa Saxiixayaashi shirkii Maamul usameynta Gobalda dhexe.

Kooxda Dam-jadiid ee taladda Dalka Gacanta ku heeysa ayaa si bareera ah u inkirtay Dowrka ahlusunno ku ledahay Gobalada dhexe halka ahlusunna ay dooneyso aaminsantahayna in ay xaq u ledahay in talada Maamul usameynta labada gobal ay qeyb weyn kayihiin hadii aan lagu darina ay tahay dulmi lagu galacay Maamulka ahlusuna iyo Deeganada uu ka arimiyo.

Kooxda Dam-jadiid majiraan wax muuqada oo ay u qabteen Gobalka Galgaduud marka laga reebo in ay ku dul dagalameen dadka shacabka ah ee xabada ka caaganaa mudadi sideeda sana aheyd ee la soo dhaafay waxa ayna doonayaan ololona ugu jiraan in ay ku guuleystaan madaxtinimada Maamulka lagu wado in loo dhisi Gobalada dhexe xili ay xaqooda Duudsiinayaan Dadka deegaanka iyo Maamulkooda Ahlusuna.

Hadaba Ahlusuna iyo Kooxda Damjadiid keebee mudan abaalna ku leh Gobalka Galgaduud?

W/Q Bashir Ahmed Suley

.