Fadlan ila xussa 15 May Maalinta Dhalinyarada ( S Y L)

Maanta oo ay Taariikhdu ku begantahay (15 May) maalintii la aasaasay  Xisbiga Dhalinyarada Somaliyeed ee (S Y L) oo imanka laga joogo muda dhan 72 sano ayaan waxan jecleystay in aan idin la wadaago qoraal kooban oo aan ka soo ururiyay waxa ay taariikhdu ka qortay dhalinyardii S Y L  (Somali Youth Lego)  qoraalkan gaaban ayaan waxa ku eegi doonata hadu eeba idmo qaabki loo aasaasay S Y L iyo wax qabadkoodi ugu muhiimsanaa.

Horaantii sanadki 1943dii waxa kulan wada sheekeysiya is kugu yimid C/qaadir Sakhaawadiin iyo Yaasiin Xaaji Cusmaan Sharmarke, oo ahaa laba dhalinyaro saaxiiba ah oo aad isugu fog, kulanka oo ahaa mid qarsoodiya ayaa waxa ay isku weydaarsadeen afkaar la xiriirta sidi Adoonsiga looga xoreyn lahaa Dadka Gumeystahana looga saari lahaa Dalka.

C/qadir Sheekh Sakhaawadiin oo talada ku horeyay ayaa waxa uu soo jeediyay in la aasaaso Uuru Islaami ah oo umadda mideeya inta Xisbi siyaasi ah loo gudbin, iyadoo uu Yaasin Xaaji isna soo jeediyay in la sameeyo Xisbi Siyaasi ah oo Bulshda dhan matala.

Kadib Wada hadalo dheer iyo dhalinyaro kale u ku soobiirtay ayaa ugu dambenti la  isku raacay in la aasaaso Naadi ay dhalinta ku kulmaan oo ay isku  bartaan isla markaana ay ku bartaan Luqadda Engriisiga  oo xiligas ku cusbeyd Dalka,inta laga gaarayo waqti ku haboon oo xisbi siyaasi ah isu beddeli karo Naadigan, waxa ayna Naadigiga magac uga dhigeen (S Y C) Somali Youth Club.

Kulankii ugu dambeeyay ee ay yeesheen aasaasayaasha Naadigan waxay isku afgarteen  Qodobo dhowr ah  oo ay ka mid ahaayeen.

•In Naadiga loo kireeyo Guri u qalma howlaha uu donayo in uu qabto ee lagama maarmaanka u ah soona jiidan kara dhalinyarada.

•In Gumeystaha Engriiska ee dalka heysata loo qoro warqad looga codsanayo in ay furtaan dhalinyaradani Naadi la yiraahdo S Y C.(Somali Youth Club) oo dhalinyarada ku kulanto.

•In la dejiyo qorshe kumeel gaar ah oo dabooli kara haabida shaqo ee loo baahanyahay lagama-maarmaana u ah howlaha Naadiga dhaliyarada.

Codsigaas ayey 13kii dhalinyaro waxa ay u geeyeen xaakimkii isticmaarka ee Engriiska u fadhiyay Muqdisho.

Dhalinyarada qaar ayaa qabay in fakerkooda guuleysan doono halka qaarna ay qabeen in ay xarig muteysan doonaan, in kastoo Xaakimki ugu jawabay hadal Jeesjees ah kuna yiri “Anigu waxaan idiin arkaa dhurwaayo iyo ari mooro lagu wada xareeyay, sideed naadi ugu hishiin kartaan khilaaf la’aan”,Taasi oo macnaheedu yahay waxaad ka kobantihiin qabaail badan oo aan wax isku ogaleyn, waana halka ay Soomalidu daciifka tahay maanta.

Dhalintii 13ka aheyd oo aan xanaaq iyo hadal kulul ku celin Karin madaxdaa Gumeystaha ayaa ugu jawaabay , in ay Hadalkiisa ay ka dhigandoonaan cashar kana faa’iideysandoonaan, oo ay 

Dhurwaayda ku barbaarin doonaan in aysan Ariga cunin, waxayna balan qaadeen in dhawaan aw arki doono iyaga ku wada nool Naadiga oo aan wax muran iyo khilaaf uusan ka dhex jirin.

Maalmo kadib ayaa waxa dhalinyaradi la soo gaarsiiyay warqad lagu xusay in Engriisku uu hadda ku jiro xaalad dagaal oo uusan dooneyn in la fara galiyo siyaasadiisa, balse loo ogolaaday in ay furtaan naadi dhalinta ay ku kulmaan waxna ku bartaan.

Kulankii ugu horeeyayba waxay iska dhex doorteen madaxdii hoggamin laheyd naadiga, waxa ayna Gudoomiye u doorteen Sheekh C/qaadir Sh. Sakhaawadiin halka Xaaji Maxamed Xuseen iyo Maxamed Xirsi Nuur(Siidii) loo doortay ku xigeeno iyadoo Yaasiin Xaaji Cusmaana loo doortay Xoghaye.

Xisbigan oo ay ujeedadiisa ugu weyni aheyd in Gumeysiga Dalka laga xoreeyo lana helo Dowlad soomalidu leedahay ayaa waxa ay talabadi ugu horeysay oo ay qaadaan ka dhigteen ladagaalanka Qabyaalada iyo kala sooca Soomalida dhexdeeda ah taasi oo ah halka ay Soomalidu waligeed ka nugleyd ducfiguna kaga jiray.

Dhaliyaradii aasaastay xisbiga S Y C oo markii dambe u xuub siibtay S Y L (Somali Youth Lego)    waxay ahaayeen 13 dhalinyaro oo da’doodu aad u yaraeyd aqoontoodan aad u xaddidneyd. Waxaan kala haayeen sidan.

MAGACA OO SADAXAN	MESHA UU KUDHASHAY	SANADKA	DA’DA
ABDU KADIR SAQUDIIN	TIYEEGLOW BAKOL	1919	24 JIR
MOHAMED XIRSI NUR ( SIIDII)	MAREG, G/GADUD	1915	28 JIR
Yaasiin Xaaji Cusmaan Sharmarke	Hobyo  Mudug	1917	27 JIR
Xaaji Maxamed Xuseen Maxaad	Muqdisho Banaadir	1917	27 jir
Cusmaan Geeddi Raage	Muqdisho Banaadir	1925	18 jir
Dheere Xaaji Dheere	Muqdisho Banaadir	1926	17 jir
Daahir Xaaji Cusmaan (Dhegaweyne)	Hobyo Mudug	1925	18 jir
Cali Xasan Maslax	----------------------	1919	24 jir
Maxamed Cali Nuur	Muqdisho Banaadir	1927	16 Jir
Maxamed Faarax Hilowle	Mareeg Galgaduud	1925	18 jir
Xaaji Maxamed Cabdulaahi Xayeesi	Muqdisho Banaadir	1918	25 Jir
Huudow Macalin Cabdulaahi Saalax	Mareerey Sh/Hoose	1926	17 jir
Maxamed Cusmaan Baarbe	Baardheere Gedo	1910	33

Tirada Xisbiga kuma aysan koobnaanin 13kaas Wiil oo kaleiya ee waxaa markiiba ku soo biiray dhalinyaro aad u fara badan oo ay Gabdho aad u qiima abdan ka mid yihiin waxaa xusid mudan oo aan la ilaawi Karin Dowrkii muhiimka ahaa oo ay Dumarka Soomaaliyeed kasoo qaateen xisbigaas SYL.

Xisbiga ayaa gaaray  Guulo lama ilaawaana waxa uuna wacdaro iyo xausuus magurta ah ku reebay Gumeysitihii Wadanka Xooga ku heystay halgan dheer kadib waxa uu Xisbigu ku guuleystay Dhismihii Dowladi daakhiliga aheyd, xili uu la soo kulmay dhibaatooyin fara badan illaa uu dalka gaarsiiyay madax banaani buuxda.

Ugu danbeyn dhalinyarada Soomaliyeed waxa tusaale ugu filan ku dayashana ka mudan 13kan wiil oo iska dhaarsaday qabyalada wadaagayna dhiiga wada dhalasha Soomalinimada Hadafkoodina ku guuleystay.

W/Q Bashiir Ahmed Suley