KU: Gudoomiyaha Gobalka Galgaduud Mudane Cirfo
KU: Maamulka Ahlu Suna / Macalin Maxamud iyo Sh Shaakir
KU: Odayaasha Dhaqanka ee Gobalka Galgaduud.
KU:Dhamaan Culumaa’udiinta ee Deeganka.
UJEEDO: BAAQ NABADEED
OO KU SAABSAN JOOJIN COLAADEED
Anagoo ah Dhamaan Xubnaha Ururka Dhalinyarada Gargaar,
waxaan shir deg deg ah isugu nimi maanta oo taariikhdu tahay 12 February 2015.
Shirkaan oo kuna wajihan Dagaalka Maanta Kasocda Deeganmooyinka Guri-cel Dagaal
kaas oo ay ku Nafwaayeen Dad aad u badan.
Anagoo ka tiiraanyaysan dhacdadaan murugada leh waxaan marka
hore tacsi u diraynaa eheladii iyo qaraabadii intii ku nafweyd dagaalkaan
waxana leenahay Allha samir ka siiyo iyagana naxariista eebe ha siiyo, Inta
dhaawaca la jiiftana illaah ka caafiyo.
Falanqeyn iyo xograadis kabacdi sida arimuhu u dheceen,
waxaan si wada jir ah ugu soo gudbinaynaa dhammaan dhinacyada ku lugta leh
dagaalkan ee kor ku xusan baaqaan hoos ku qoran:
·
In dagaalka si shuruud la’aan ah loo joojiyo, si
deg deg ahna loo hawl geliyo Odayaasha Dhaqanka oo Dowr Muhiima ku leh,
nabadaynta iyo sulux u raadiska markii arimahaan oo kale dhacaan.
·
In Dowladu Xilweyn iska saarto Sidii Xabada loo
joojin lahaa shuruud la’aan.
·
In si deg deg ah ciidanka loo kala qaado
Xasiloonidana la soo celiyo Odayaasha iyo waxgaradkana lagu hawl geliyo in ay
arinta xalwaara ka gaaraan, isku dhac kalena laga fogaado.
·
In culimaa’udiinta lagu hawl geliyo in ay Dagaalka
dhextagaan si ay ugu wacyi geliyaan in naf la dilaa xaraam tahay, ciqaab eebena
meel u taal ruuxii falkaas ku dhaqaaqa.
·
In si wada jir ah loo sugto amaanka iyo wada
noolaanshaha bulshada (community cohesion) oo ah tiir haddii uu burburona awsan
nadaam jiri Karin.
·
Waxaan ka codsanaynaa in isku tanaasul iyo is
cafis la yimaadaan labada dhinac oo ee Dagaalku u dhexeeyo.
·
In ay labada dhicay ay dhegaystaan oo
tixgeliyaan codsiyada, baaqyada iyo cabashooyinka uga yimaada bulshadeeda
gudaha iyo dibad, aynaan u muuqan kuwa ka fog bulshada.
GABAGABO
Waxaan u soo jeedinaynaa dhammaan dhalinyarada Ree Guriceel in
ay ilaashadaan midnimadooda oo aysan ka qeyb qaadan dagaal la iskaga horkeenayo
dadka walalaha ah ee wada dhashay diigoodana aysan daadin.
Xafiiska Ururka Dhalinyarada Gargaar
Gudoomiyaha Ururka
Bashiir Ahmed Suuley
Gudoomiya Kuxigeenka Ururka
Deeqa Muxyadiin
Comments
Post a Comment